Dap-News

និស្សិតខ្មែរនៅ សាកលវិទ្យាល័យ បូរាផា ប្រទេសថៃ ប្រារព្ធពិធីគោរព ព្រះវិញ្ញាណក្ខន្ធ ព្រះបរមសព សម្តេចឪ (មានវិដេអូ) 

Source: from Dap-news 

Monday, 22 October 2012 10:49 ដោយ៖ ដើមអម្ពិល(DAP)-ID:030

ភ្នំពេញៈ បើទោះបីជា មិនបានចូលមកកាន់មាតុប្រទេស ដើម្បីបង្គំថ្វាយព្រះរាជបរមសព ព្រះករុណា ព្រះបាទសម្តេច ព្រះនរោត្តមសីហនុ ដោយផ្ទាល់ក្តី ប៉ុន្តែក្រុមនិស្សិតខ្មែរ ដែលបានទៅសិក្សានៅ ក្នុងសាកលវិទ្យាល័យ បូរាផា ប្រទេសថៃ កាលពីថ្ងៃទី១៨ ខែតុលា ឆ្នាំ២០១២ កន្លងទៅនេះ បានរៀបចំ ប្រារព្ធពិធីគោរពព្រះវិញ្ញាណក្ខន្ធ ចំពោះព្រះអង្គរួចហើយ ក្នុងសាលារបស់ខ្លួន នៅប្រទេសថៃ ។
និស្សិតខ្មែរជាច្រើននាក់ បានរៀបចំដង្ហែព្រះឆាយាលក្ខ័ណ៍ ព្រះករុណា ព្រះបាទសម្តេច ព្រះនរោត្តម សីហនុ ទៅតម្កល់ទុកនៅអសនៈ ជំរុំពុទ្ធសាសនា នៃសាកលវិទ្យាល័យ បូរាផា ដើម្បីឱ្យនិស្សិតគ្រប់គ្នាគោរពបូជា ដើម្បីបង្ហាញពីកតញ្ញូតាធម៌ ចំពោះអតីតព្រះមហាក្សត្រ ព្រះរាជបរមសព ព្រះករុណា ព្រះបាទសម្តេច ព្រះនរោត្តមសីហនុ៕